Banner


    అదె చూడు తిరువేంకటాద్రి
    సంపుటి: 1, సంఖ్య: 227, పుట: 151 (217)
    సంపుటిలో రాగం: మలహరి
    రచన: తాళ్లపాక అన్నమాచార్య


    ప: అదె చూడు తిరువేంకటాద్రి నాలుగుయుగము-
    లందు వెలుగొందీ ప్రభ మీరఁగాను

    చ: తగ నూటయిరువై యెనిమిదితిరుపతులఁ గల-
    స్థానికులును చక్రవర్తిపీఠకములును
    అగణితంబైన దేశాంత్రులమఠంబులును
    నధికమై చెలువొందఁగాను
    మిగులనున్నతములగుమేడలును మాడుగులు
    మితిలేనిదివ్యతపసులున్న గృహములును
    వొగి నొరగుఁబెరుమాళ్ళవునికిపట్టయి వెలయు-
    దిగువతిరుపతి గడవఁగాను

    చ: పొదలి యరయోజనముపొడవుననుఁ బొలుపొంది
    పదినొండుయోజనంబులపరపుననుఁ బరగి
    చెదర కేవంకచూచిన మహాభూజములు
    సింహశార్దూలములును
    కదిసి సురవరులు కిన్నరులు కింపురుషులును
    గరుడగంధర్వయక్షులును విద్యాధరులు
    విదితమై విహరించువిశ్రాంతదేశముల
    వేడుకలు దైవారఁగాను

    చ: యెక్కువలకెక్కువై యెసఁగి వెలసినపెద్ద-
    యెక్కు డతిశయముగా నెక్కినంతటిమీఁద
    అక్కజంబైన పల్లవరాయనిమటము
    అలయేట్ల పేడ గడవన్
    చక్కనేఁగుచు నవ్వచరిఁ గడచి హరిఁ దలఁచి
    మ్రొక్కుచును మోకాళ్ళముడుగు గడచినమీఁద-
    నక్కడక్కడ వేంకటాద్రీశుసంపదలు
    అంతంతఁ గానరాఁగాను

    చ: బుగులుకొనుపరిమళంబుల పూవుఁదోఁటలును
    పొందైన నానావిధంబుల వనంబులును
    నిగడి కిక్కిరిసి పండినమహావృక్షముల-
    నీడలను నిలిచి నిలిచి
    గగనంబుదాఁకి శృంగార రసభరితమై
    కనకమయమైన గోపురములనుఁ జెలువొంది
    జగతీధరుని దివ్యసంపదలు గలనగరు
    సరుగననుఁ గానరాఁగాను

    చ: ప్రాకటంబైన పాపవినాశనములోని
    భరితమగుదురితములు పగిలి పారుచునుండ
    ఆకాశగంగతోయములు సోఁకిన భవము-
    లంతంత వీఁడి పారఁగను
    యీకడనుఁ గోనేట యతులుఁ బాశుపతుల్ మును-
    లెన్న నగ్గలమైవున్న వైష్ణవులలో
    యేకమై తిరువేంకటాద్రీశుఁ డా దరిని
    యేప్రొద్దు విహరించఁగాను


    ade chUDu tiruvEmkaTAdri
    sampuTi: 1, samkhya: 227, puTa: 151 (217)
    sampuTilO rAgam: malahari
    rachana: tALlapAka annamAchArya


    pa: ade chUDu tiruvEmkaTAdri nAluguyugamu-
    lamdu velugomdI prabha mIragAnu

    cha: taga nUTayiruvai yenimiditirupatula gala-
    sthAnikulunu chakravartipIThakamulunu
    agaNitambaina dESAmtrulamaThambulunu
    nadhikamai cheluvomdagAnu
    migulanunnatamulagumEDalunu mADugulu
    mitilEnidivyatapasulunna gRhamulunu
    vogi noraguberumALLavunikipaTTayi velayu-
    diguvatirupati gaDavagAnu

    cha: podali yarayOjanamupoDavunanu bolupomdi
    padinomDuyOjanambulaparapunanu baragi
    chedara kEvamkachUchina mahAbhUjamulu
    siMhaSArdUlamulunu
    kadisi suravarulu kinnarulu kimpuruShulunu
    garuDagamdharvayakShulunu vidyAdharulu
    viditamai viharimchuviSrAmtadESamula
    vEDukalu daivAragAnu

    cha: yekkuvalakekkuvai yesagi velasinapedda-
    yekku DatiSayamugA nekkinamtaTimIda
    akkajambaina pallavarAyanimaTamu
    alayETla pEDa gaDavan
    chakkanEguchu navvachari gaDachi hari dalachi
    mrokkuchunu mOkALLamuDugu gaDachinamIda-
    nakkaDakkaDa vEmkaTAdrISusampadalu
    amtamta gAnarAgAnu

    cha: bugulukonuparimaLambula pUvudOTalunu
    pomdaina nAnAvidhambula vanambulunu
    nigaDi kikkirisi pamDinamahAvRkShamula-
    nIDalanu nilichi nilichi
    gaganambudAki SRmgAra rasabharitamai
    kanakamayamaina gOpuramulanu jeluvomdi
    jagatIdharuni divyasampadalu galanagaru
    sarugananu gAnarAgAnu

    cha: prAkaTambaina pApavinASanamulOni
    bharitamaguduritamulu pagili pAruchunumDa
    AkASagamgatOyamulu sOkina bhavamu-
    lamtamta vIDi pAraganu
    yIkaDanu gOnETa yatulu bASupatul munu-
    lenna naggalamaivunna vaiShNavulalO
    yEkamai tiruvEmkaTAdrISu DA darini
    yEproddu viharimchagAnu



    Artist(s): S P Balasubrahmanyam



    vaishnava_mudralu

    annamacharya

    శ్రీమత్వదీయ చరితామృత మన్నయార్యా
    పీత్వాపినైవ సుహితా మనుజాభవేయుః
    త్వం వేంకటాచలపతేరివ భక్తిసారం
    శ్రీ తాళ్ళపాక గురుదేవ నమో నమస్తే

    table
    సంకీర్తనల పట్టిక
    (samkeertanala paTTika)


    Samkeertana
    సంకీర్తన (samkeertana)
    iOS App

    App_Store_Badge

    Contact Admin
    Browser Requirements : This Website Requires Google Chrome (or) Apple Safari (or) Mozilla Firefox. No Other Web Browsers Are Supported